Isengesho ry’umukunzi wa myugariro wa APR FC n’ikipe y’Igihugu Niyomugabo Claude muri 2023

Umwaka urarenze myugariro wa APR FC n’ikipe y’Igihugu Amavubi, Niyomugabo Claude ari mu rukundo n’umukobwa witwa Umutoniwase Nadia wigeze kwitabira irushanwa rya Miss Rwanda mu mwaka wa 2020.

Nkuko ibindi byamamare byose byagiye bishimira Imana yabanye nabyo muri uyu mwaka twaraye dusoje , Miss Umutoniwase Nadia umukunzi wa myugariro Claude Niyomugabo , yifashishije urukuta rwe rwa instagram rukurikirwa n’abantu bagera ku bihumbi 7000 yashimye Imana itumye asoza umwaka ari mu munyenga w’urukundo anatanga isengesho ku Mana.

Nadia yagize ati:”umwaka mushya nshuti yanjye ,  nshimishijwe no kumenya ko naringufite mu buzima bwanjye uno mwaka ,, ndasaba uyu mwaka uzatubere uw’imigisha ,ubuzima buzira umuze ,kubaho n’ibyishimo”

Guhera mu ntangiriro z’uyu mwaka wa 2022 ,nibwo urukundo rwaba bombi rwatangiye kuvugwa mu bitangazamakuru bitandukanye byo mu Rwanda ,ahanini bitewe no kuba aba bombi ,badasiba kugaragariza abantu ku mbuga nkoranyambaga urwo bakundana.