Amafoto: Ibyamamare byitabiriye ubukwe bwa Taylor Swift na Travis Kelce

Nyuma y’imyaka itatu bakundana, umuririmbyi w’ikirangirire Taylor Swift n’umukinnyi wa Kansas City Chiefs, Travis Kelce, basezeranye mu bukwe bwabereye muri Madison Square Garden ku wa 3 Nyakanga 2026, bwitabirwa n’ibyamamare byinshi byo mu myidagaduro, siporo n’itangazamakuru.

Nyuma yo guhana isezerano ry’urukundo, hanze y’iyi nyubako hagaragaye ibyapa byanditseho amagambo agira ati “JUST T MARRIED”, bishimangira ko aba bombi bamaze kuba umugabo n’umugore.

Ubukwe bwabaye mu ibanga rikomeye, ariko nyuma amafoto n’amakuru y’ababwitabiriye atangira kujya hanze. Mu bamenyekanye harimo Adam Sandler, wayoboye umuhango wo gusezeranya aba bombi, ndetse n’abahanzi n’ibyamamare barimo Selena Gomez, Benny Blanco, Paul McCartney, Emma Stone, Ed Sheeran, Jennifer Lopez, Brad Pitt, Bradley Cooper, Jessica Alba, Gigi Hadid, Conan O’Brien, Patrick Mahomes n’umugore we Brittany Mahomes, Andy Reid, Alex Morgan, Jason Sudeikis, Chris Stapleton, Cindy Crawford, Dakota Johnson, Ice Spice, Jack Antonoff, n’abandi benshi.

Abitabiriye ibirori batangaje ko byari byateguwe ku rwego rwo hejuru, bikarangwa n’umuziki, ibyishimo ndetse n’ibirori byakomeje kugeza mu rukerera.

Mbere y’ubu bukwe, Taylor Swift yari yarigeze gutangaza ko atari gutoranya abantu bake gusa bazabwitabira, ahubwo ko yashakaga gusangira uwo munsi n’inshuti nyinshi ndetse n’abantu bagize uruhare mu buzima bwe.

Ubukwe bwa Taylor Swift na Travis Kelce buri mu byabaye inkuru zikomeye mu myidagaduro ku isi muri uyu mwaka wa 2026, bitewe n’ubwamamare bw’aba bombi ndetse n’ubwinshi bw’ibyamamare byabwitabiriye.