Indege yari irimo abantu bane yakoze impanuka igwa muri pariki mu gihe haburaga amasegonda make ngo 2022 irangire

Kuri uyu wa Gatandatu tariki 31 Ukuboza 2022 mu gihugu cya Uganda, indege yari itwaye ba mukerarugendo yahanukiye muri pariki yitiriwe Umwamikazi Elizabeth irangirika bikomeye.

Biravugwa ko iyi ndege yataye inzira ubwo yari igiye kugwa ku kibuga cya Mweya giherereye muri pariki maze ihita igonga bimwe mu bice byakorerwagamo n’abakozi.

Abagenzi bane ni bo bari muri iyo ndege nk’uko inkuru Chimpreports ibivuga, bakaba bavuyemo nta n’umwe ukomeretse nk’uko ubuyobozi bw’iyi sosiyete bwatanze amakuru.

Iyi mpanuka yabaye nyuma ya saa sita ku wa Gatandatu ndetse ibikorwa by’ingendo z’iyi sosoyete zirakomeje mu gihe hakomeje iperereza ry’icyateye iyi mpanuka.