Ifi nini yo mu bwoko bwa baleine (whale) ipima hafi toni 12 yakuwe ku nkombe z’umujyi wa Muanda muri Repubulika Iharanira Demokarasi ya Congo (RDC) nyuma yo gupfira ku nkombe z’Inyanja ya Atlantique.
Nk’uko byatangajwe n’abayobozi, iyi fi yari imaze iminsi ibiri iri ku mucanga nyuma yo kogezwa n’amazi ku nkombe. Imbaraga z’imashini zisanzw zagerageje kuyikuraho ariko biranga.
Nyuma y’izo mbaraga zose zananiranye, hifashishijwe crane ifite ubushobozi bwo guterura toni 42, ari yo yabashije kuyivanaho. Iki gikorwa cyakurikiwe n’imbaga y’abaturage bari baje kwihera ijisho imwe mu nyamaswa nini zo mu nyanja.
Abahanga bavuga ko impamvu nyayo y’urupfu rw’iyi baleine itaramenyekana, ndetse ko hategerejwe isuzuma rizagaragaza icyayiteye gupfa mbere yo kogezwa ku nkombe. Iki gikorwa cyakuruye impaka n’inyungu nyinshi mu baturage no ku mbuga nkoranyambaga kubera ubunini bw’iyo nyamaswa.
