Rihanna na A $ AP baguwe gitumo bari mu munyenga w’urukundo (AMAFOTO)

Umuhanzikazi Rihanna n’umuraperi A$ AP Rocky bavugwaho gukundana bakomeje kuryoherwa n’urukundo rwa bibiri nyuma y’aho baguwe gitumo bagafotorwa bagirana ibihe byiza ndetse hafi no gusomana.

Ni amafoto yafotowe n’umuntu utaramenyekanye agaragaza aba bombi bari mu bihe byiza maze ayakwirakwiza ku mbuga nkoranyambaga, mu bigaragara aya mafoto ntiyagaragaraga neza aho bikekwa ko yafotowe babaguye gitumo nk’uko daily mail yabyanditse.

Iki kinyamakuru gitangaza ko uyu mukobwa w’imyaka 32 yari yagiye mu kiruhuko mu cyaro avukamo cyitwa Barbados ku cyumweru gishize ndetse akaba yari yasohokanye na A$ AP.Kuri ubu Rihanna n’uriya muraperi bakaba bakomeje kugaragara kenshi bari kumwe nubwo mbere iby’urukundo rwabo byafatwaga nk’ibihuha.