HARAGIRIMANA Dieudonne
Urubuga nkoranyambaga rwa WhatsApp rwatangaje ko ku bunani ,tariki 1 Mutarama 2021 rwakiriye abahamagara bakoresheje amajwi n’amashusho barenga miliyari 1.4 umunsi umwe ibintu babona nk’ibitangaje dore ko ngo ari bwo bwa mbere bibaye.
WhatsApp ivuga ko urubuga rwabonye guhamagarwa cyane ku munsi umwe. Ugereranije n’umwaka ushize.
Facebook nayo ikorana na WhatsApp nayo ngo yiboneye ubwiyongere bwo guhamagara kuri videwo (VIDEO calls)ndetse no guhamagara mu matsinda(group calls).
Nk’uko byatangajwe n’uru rubuga, kuri bonane yuyu mwaka ngo wari umunsi ukomeye kuruta iyindi yose yo guhamagara hifashishijwe amashusho ya Messenger (abantu 3+) muri Amerika, hamwe n’abandi bagera kuri 2X bakoresha video call.
Byongeye kandi,ngo habayeho ibiganiro(chats) birenga miliyoni 55 kuri Facebook na Instagram ku isi yose mu ijoro ry’ubunani.
