HARAGIRIMANA Dieudonne
Uwihoreye Jean Bosco Mustafa umaze kumunyekana nka Ndimbati muri filime yitwa Papa sava yatangariwe n’abafana be nyuma yo kugaragara asonga ubugari ngo kubera gahunda ya guma murugo.
Uyu mugabo benshi bakunda ,bitewe n’uburyo akina agaragara nkukunda ibyo kurya cyane, ndetse bagahera ku mvugo yakoresheje ati:”kurya byarananiye” nyamara akarushaho kubimara, yagaragaye mu mashusho yashyizwe kuri Instagram na Niyitegeka Gratien uzwi nka Papa Sava.
Ababonye iyi videwo ya Ndimbati batunguwe n’uburyo azi gusonga ubugari neza ,dore ko yabusongaga yivugisha ati :”muri iki gihe cya Guma mu Rugo ntamuntu uzongera kunsongera ubugari ”
Bamwe bagiye bagaragaza ko Ndimbati azi gusonga ubugari,abandi bagatebya bati:”ko usonze ubwawe gusa se umugore n’abana uraba iki?”,Abandi bagasubiramo ibyo yavuze ati”ibiryo byarananiye”.
