Knoxbeat yatereye ivi umukunzi we amusaba kumubera umugore (AMAFOTO)

Producer Knoxbeat wo muri Monster Records yatangiye urugendo rushya rw’urukundo, ni nyuma y’uko yambitse impeta y’urukundo umukunzi we witwa Akamikazi Bernice.

Ni mu muhango wihariye wabaye mu masaha y’umugoroba
wo kuri uyu wa Gatanu mu Mujyi wa Kigali. Amafoto yasohowe agaragaza Knoxbeat n’umukunzi
we Akamikazi yatereye ivi.

Yahise anyarukira kuri instagram maze avuga ko  umukobwa yakunze
yamwemereye ko bazana ubuziraherezo. Arenzaho ko urukundo rumwibutsa ko
ntakiruruta.

Ati “Yavuze ‘Yego’. Wakoze Akamikazi Bernice.
Urukundo runyibutsa ko ntakindi kintu cy’ingenzi kiruruta.”

Producer Knoxbeat amaze igihe ari mu munyenga w’urukundo n’uyu mukobwa

Knoxbeat yatangaje ko we n’umukunzi we bemeranyije kurushinga nk’umugabo n’umugore