Butera Knowless yavuze igisobanuro cy’umugabo we, Clément, mu buzima bwe

Umuhanzikazi Butera Knowless yavuze icyo umugabo we, Clément Ishimwe, asobanuye mu buzima bwe. Ni mu kiganiro uyu muhanzikazi yagiranye na Radio B&B Fm Umwezi aho yari yatumiwe nk’umutumirwa.

Nkuko Butera Knowless yabitangarije B&B yavuze ko Clément avuze ikintu kinini kuri we ndetse no kuri carrière ye uretse kuba ari n’umufasha we. Yongeyeho ko kuva mu mwaka wa 2012 ubwo yageraga muri Kina Music yahise abona umurongo ngenderwaho kandi usobanutse byose abikesha Clément.

Knowless yavuze kandi ko kuva yagera muri Kina Music, Clément yitanze kugirango Knowless abe ari aho ari kugeza ubu ku buryo kuvuga igisobanuro cye mu buzima bwe mu ijambo rimwe atabishobora kuko avuze ibintu byinshi cyane mu buzima bwe.