Umukinnyi w’umunyarwanda agiye gukinana na Lionel Messi

Umukinnyi w’umunyarwanda witwa Warren Hakon Christopher Kamanzi yerekeje mu ikipe ya Toulouse FC yo mu gihugu cy’ubufaransa.

Warren Kamanzi ufite umubyeyi w’umunyarwanda yerekeje mu gihugu cy’ubufaransa avuye mu ikipe ya Tromsø yo mu gihugu cya Norway ari naho uyu musore yakuriye aguzwe Milliyoni 7 z’amadorari, bivuze ko agiye kujya ahura na Lionel Messi cyane ko bari muri Shampiyona imwe.

Uyu musore w’imyaka 22, akina nka Myugariro ariko anyura ku ruhande rw’iburyo, yakiniye ikipe y’igihugu ya Norway ariko y’abatarengeje imyaka 21, nta mukino n’umwe arakinira ikipe y’igihugu nkuru ariko niho biri kwerekeza bitewe nuko uyu musore agiye gukina muri Shampiyona nziza birasa nkaho uyu musore u Rwanda rumuhombye.

Amahirwe ikipe y’igihugu y’u Rwanda yagira kugirango ibone uyu musore ni uko igihugu cya Norway batinda kumuhamagara, twabona itike yo kujya mu gikombe cy’Afurika nibwo ashobora kuba yakemera gukinira u Rwanda. Gusa ishyirahamwe ry’umupira w’amagura ntawatinya kuvuga ko FERWAFA yagize uburangare mu kuganiriza uyu mukinnyi kugeza ubu ageze aho atangiye kugira ibindi bitekerezo.

Warren Kamanzi ikipe avuyemo ya Tromsø, biravugwa ko ariyo kipe Rafael Yorke agiye kwerekezamo.

Umunyarwanda Warren Hakon Christopher Kamanzi yerekeje muri Toulouse FC