Ubuyobozi bwa APR FC bwategeye umurengera w’amafaranga umukinnyi uzinjiza igitego mu izamu rya Rayon Sports

Umukinnyi w’ikipe ya APR FC uzabasha kwinjiza igitego mu izamu rya Rayon Sports azahabwa ibihumbi 500 by’Amanyarwanda.

Ku Cyumweru tariki 12 Gashyantare 2023 kuri Stade Mpuzamahanga y’i Huye hazabera umukino w’umunsi wa 19 wa shampiyona y’Icyiciro cya Mbere umwaka w’imikino wa 2022-2023.

Mu rwego rwo kwitegura uyu mukino ubuyobozi bwa APR FC bwashyiriyeho agahimbazamusyi kangana n’ibihumbi 500 by’Amanyarwanda kuri buri mukinnyi nibaramuka babonye intsinzi, ni nako umukinnyi uzatsinda igitego na we azahabwa ibihumbi 500 ku giti cye.

Rayon Sports iheruka gutsinda APR FC tariki 21 Mata 2019, icyo gihe yayitsinze igitego kimwe ku busa cyabonetse ku munota wa nyuma gitsinzwe na Michael Sarpong kuri penaliti nyuma y’ikosa Imanishimwe Emmanuel myugariro wa APR FC yakoreye kuri Mugisha Gilbert wari mu rubuga rw’amahina.