Rayon Sports yongeyemo umwe, Police FC, Mukura na Marines zongeramo bane! Urutonde rw’abakinnyi buri kipe yaguze mu isoko ry’igura n’igurisha ry’abakinnyi mu Rwanda

Mu isoko ry’igura n’igurisha ry’abakinnyi ryo mu Rwanda ryahereye mu kwezi kw’Ukuboza 2022 rirasozwa mu ijoro ryo kuri uyu wa Gatanu tariki 27 Mutarama 2023 amakipe hafi ya yose yongeyemo abakinnyi.

Ikipe ya Police FC, Marines FC na Mukura Victory Sports zongeyemo abakinnyi bane mu gihe amakipe arimo APR FC atigeze yongeramo abakinnyi.

Urutonde dukesha Radio B&B FM Umwezi ruragaragaza uko amakipe atandukanye yiyubatse mu rwego rwo kurushaho kongera imbaraga mu gice cy’imikino yo kwishyura muri shampiyona y’Icyiciro cya Mbere umwaka w’imikino wa 2022-2023.