“N’ubwo twakinisha ikipe ya 3 ntabwo Rayon Sports yadutsinda” KNC yakoze mu gisebe abakunzi ba Rayon avuga umubare w’ibitego bazayinyagira

Perezida w’ikipe ya Gasogi United, Kakooza Nkuriza Charles uzwi nka KNC yavuze ko ikipe ya Rayon Sports idafite ubushobozi bwo kubatsinda n’ubwo bakinisha ikipe ya gatatu.

Mu kiganiro Urukiko rw’Ubujurire rw’Imikino cyo kuri Radio Fine FM, KNC yavuze ko ikipe ya Rayon Sports iri ku rwego ruciriritse ku buryo nibahura azayikorera iyicarubozo.

Uyu muyobozi yavuze ko ikipe ya Gasogi United ya 3 ikomeye kuruta uko Rayon Sports ihagaze.

Ikipe ya Gasogi United na Rayon Sports zizahura ku munsi wa 20 wa shampiyona y’Icyiciro cya Mbere umwaka w’imikino wa 2022-2023.