in

Messi asabye FC Barcelona ikintu gikomeye cyane.

Rutahizamu w’ikirangirire wa Barcelona, Lionel Messi,yongeye kotsa igitutu iyi kipe asaba ko yamurekura muri iyi mpeshyi.

Uyu Munya-Argentine w’imyaka 33 y’amavuko, yoherereje Barcelona ubutumwa mu buryo bwa ‘fax’ ejo ku wa kabiri avuga ko yifuza gukoresha ingingo iri muri kontaro ye, imwemerera kuva muri Barcelona ku buntu kandi ako kanya.

Barça yanyagiwe ibitego 8 – 2 na Bayern Munich muri kimwe cya kane cya Champions, hari ku itariki ya 16 y’uku kwezi kwa munani.

Uyu watwaye umupira wa zahabu – Ballon d’Or – inshuro esheshatu nk’uwahize abandi bakinnyi b’umupira w’amaguru ku isi, yageze muri Barça mu mwaka wa 2004. Yegukanye Champions League inshuro enye.

Ariko, Barcelona yemeza ko iyo ngingo yo muri kontaro ubu yarengeje igihe, ko rero Messi afitanye amasezerano nayo yo kuyikinira kugeza mu mwaka wa 2021, kandi icyo gihe ikipe yamugura ikabanza kwishyura Barcelona miliyoni 700 z’ama-euro.

Biteganyijwe ko inama nkuru y’ubuyobozi wa Barcelona iterana vuba aha, kandi bamwe bavuga ko ikintu kimwe cyonyine cyatuma Messi acururuka ari ukwegura kwa Perezida Josep Maria Bartomeu w’iyi kipe, kandi amatora akigizwa imbere.

Ariko bisa nkaho Messi yiyemeje kuva muri iyi kipe uko byagenda kose.

Nyuma yuko iyo nkuru imenyekanye, abafana ba Barça bateraniye hanze y’ikibuga cyayo Nou Camp barigaragambya bamagana ubuyobozi bukuru bw’iyi kipe ndetse bashyigikira uyu rutahizamu ufite umuhigo wo kuyitsindira ibitego byinshi kurusha abandi.

Biteganyijwe ko hakurikiraho urubanza hagati y’iyi kipe n’uyu mukinnyi. Messi yari afite ingingo muri kontaro ye yamwemereraga kuva muri iyi kipe ku buntu, iyo mbere y’itariki ya 10 y’ukwa gatandatu aza kuyimenyesha ko ashaka kuyivamo.

Iyo tariki ubu yararenze, none Barça yemeza ko iyo ngingo yataye agaciro, ariko Messi n’abo mu itsinda rye bumva ko ikwiye kwigizwa imbere ikareba n’uyu mwaka w’imikino wongerewe – ukageza muri uku kwezi kwa munani kubera icyorezo cya coronavirus.

Kuri Twitter, Carles Puyol wahoze akinana na Messi yanditse ati: “Ndakubaha kandi ndakwemera, Leo. Ndagushyigikiye jyewe wese, nshuti”.

Kuri ubwo butumwa bwa Puyol, Luis Suarez ukinana na Messi kuri ubu, yasubije n’udushusho (emojis) tubiri dukoma amashyi.

Written by HARAGIRIMANA Dieudonne

I am responsible for this article, not the YEGOB website. Please contact me if you need more information about it:+250 783 907 135

Subscribe
Notify of
guest
0 Comments
Inline Feedbacks
View all comments

The Ben ari kwifashisha amashusho y’urukozasoni yamamaza indirimbo ye

Ibizakwereka ko uwo mukundana mukwiranye.