Jose Mourinho yahaye gasopo Anthony Martial amuziza abakobwa

Rutahizamu w’ikipe ya Manchester United, Anthony Martial ari mu mazi abiri azira urukundo rwe n’umukobwa witwa Melanie Da Cruz! Uti byagenzwe gute rero?

Manchester United v Southampton - Premier League

Nkuko twabibabwiye mu minsi yishize, Anthony Martial yataye umugore we Samantha ndetse n’umwana bari bafitanye maze ajya kwikundanira n’umukobwa w’umustar witwa Melanie. Ibi rero birumvikana Samantha ntiyabyishimiye nabusa mu rwego rwo kwereka uburakari bwe rero Smantha akaba akaba akomeje kugenda avuga nabi Martial mu binyamakuru avuga uburyo ngo ari umubyeyi gito.

Uku kuvugwa nabi kwa Martial mu binyamakuru azira guta umugore we akajya kwikundanira n’undi mukobwa rero nibyo ngo bigiye kumukoraho, kuko nkuko tubikesha ibinyamakuru byo mu Bwongereza ngo Jose Mourinho yamuhaye gasopo ko agomba gukora uko ashoboye agakemura icyo kibazo maze ubundi akita ku mupira w’amaguru nta kindi kimurangaza.

Anthony Martial rero muri iyi minsi utari kwitwara neza mu kibuga bikaba bivugwa ko adakemuye icyo kibazo hagati ye n’uwahoze ari umugore we bishobora kumuviramo gutakaza umwanya we mu kibuga.