Social Mula
Myugariro wo hagati mu ikipe ya Kiyovu Sports, Nsabimana Aimable ntabwo azakina umukino bazahuramo na Rayon Sports kubera ko yujuje amakarita atatu y’umuhondo.
Ku Cyumweru tariki 5 Gashyantare 2023, nibwo Rayon Sports ya kane n’amanota 32 izakira Kiyovu Sports iri ku mwanya wa gatanu n’amanota 31, mu mukino w’umunsi wa 18 wa shampiyona y’Icyiciro cya Mbere uzabera kuri Stade ya Muhanga.
Uyu mukino Kiyovu Sports izawukina idafite Nsabimana Aimable wujuje amakarita atatu y’umuhondo ku mukino batsinzemo na APR FC tariki 28 Mutarama 2023.
Kuba Kiyovu Sports izakina idafite Nsabimana Aimable bisobanuye ko mu mutima w’ubwugarizi hazabanzamo Tuyisenge Hakim Dieme na Ndayishimiye Thierry.
Rayon Sports iheruka kunganya na Mukura Victory Sports igitego kimwe kuri kimwe, mu gihe Kiyovu Sports yo iheruka gutsindwa na APR FC ibitego bitatu kuri bibiri mu mukino w’umunsi wa 17 wa shampiyona y’Icyiciro cya Mbere umwaka w’imikino wa 2022-2023.
