Imbwa yitwa Bobi yo muri Portugal byemejwe ko ariyo mbwa ikuze cyane ku isi

Imbwa yo muri Portugal byemejwe na Guinness World Records ko ariyo ikuze cyane kurusha izindi zose zabayeho ku isi, yahise ikuraho umuhigo wari umaze ikinyejana.

Bobi ni nyarubwana ifite imyaka 30 ubundi yabarirwaga icyizere cyo kuramba cyo hagati y’imyaka 12 na 14.

Imbwa yari ifite agahigo ko kuba ikuze kusha izindi n’imbwa yitwa Bluey yo muri Ositaraliya, yapfuye mu 1939 ifite imyaka 29 n’amezi atanu.

Nk’uko Guinness World Records ibitangaza, imyaka ya Bobi yemejwe n’ububiko bw’amatungo muri guverinoma ya Porutigali, buyobowe n’abaveterineri.