Essomba Onana ushinjwa ubugambanyi n’abafana ba Rayon Sports yongeye kuzamura amarangamutima bitewe n’ikintu gikomeye yavuze azakorera Kiyovu Sports

Rutahizamu Mpuzamahanga ukomoka mu gihugu cya Cameroon, Essomba Leandre Willy Onana yasabye umutoza Haringingo Francis Christian kuzamubanza mu kibuga akazonga Kiyovu Sports.

Ku Cyumweru tariki 5 Gashyantare 2023, ikipe ya Rayon Sports izakira Kiyovu Sports mu mukino w’umunsi wa 18 wa shampiyona y’Icyiciro cya Mbere umwaka w’imikino wa 2022-2023.

Uyu mukino uzahuza Rayon Sports iri ku mwanya wa kane n’amanota 32, mu gihe Kiyovu Sports iri ku mwanya wa gatanu n’amanota 31.

Mbere y’uko uyu mukino w’ishiraniro uba, Essomba Leandre Willy Onana yabwiye Haringingo Francis ko yakize ameze neza ndetse ko yiteguye kunyagira Kiyovu Sports akerekana ko ari umukinnyi w’igihangange, ibi akaba yabitangaje mu myitozo y’ejo nk’uko tubikesha Radio 10.

Essomba Leandre Willy Onana kuva umwaka w’imikino wa 2022-2023 watangira amaze gutsinda ibitego birindwi mu mikino 10 yakinnye, indi irindwi yarayisibye kubera imvune.