THIERRY Mugiraneza
Ikipe ya Rayon Sports abakunzi bayo batazira Gikundiro , Murera ndetse n’andi mazina menshi. Iyi kipe ifite akazi gakomeye muri uku kwezi kwa kabiri ,abenshi bavuga ko Gashyantare ishobora kuzagena niba Rayon Sports izitwara neza uyu mwaka.
Iyo urebye ingengabihe y’imikino Rayon Sports ifite muri uku kwezi usanga harimo imikino ifitanye n’amakipe yagiye ayigora mu gice kibanza cya Championa, ikindi gikomeza iyo mikino n’ uko muri iyo mikino imyinshi Rayon Sports izaba yasuye bivuze ko umurindi w’abafana bayo uzagabanuka.
Muri Gashyantare ikipe ya Rayon Sports ifite iyi mikino ikurikira:
-Ku itariki 05 Gashyantare, Rayon Sports irakira Kiyovu Sports saa kenda zuzuye kuri sitade ya Muhanga.
-Ku itariki 12 Gashyantare, ikipe ya Rayon Sports izakirwa na APR FC i Huye mu mukino uzakinwa saa kenda zuzuye.
– Ku itariki 18 Gashyantare , Rayon Sports izakirwa na Gasogi mu mukino uzakinwa saa kenda n’igice z’umugoroba ukabera kuri sitade ya Bugesera.
– Ku itariki 25 Gashyantare ,Rayon Sports izerekeza mu karere ka Rubavu gukina na Rutsiro Football Club umukino uzakinwa saa kenda ukabera kuri sitade y’ Umuganda.
Rayon Sports yari yatangiye imikino yo kwishyura neza kuko yatsinze Musanze FC ibitego bine kuri kimwe nyuma ikanganya na Mukura igitego kimwe kuri kimwe. Ikindi kigarura ikizere mu bakunzi bayo n’uko abakinnyi bayo nka Raphael Osaluwe na Rwatubyaye Abdul bavuye mu mvune ukongeraho n’abakinnyi babiri bashya baguze aribo Eritier Luvumbu Nziga n’ umugande Ojera Joackiam.
