Birabe ibyuya! Muri shampiyona y’u Bwongereza umukinnyi yikubise hasi kuburyo buteye ubwoba umukino uhita usubikwa -IFOTO

Muri shampiyona y’icyiciro cya mbere mu Bwongereza, kapiteni wa Luton Town Lockyer yikubise mu kibuga bitewe n’ikibazo cy’umutima umukino bakinagamo na AFC Bournemouth uhita usubikwa.

Bigeze ku munota wa 65 kapiteni wa Luton Town, Tom Lockyer yikubise hasi maze abakinnyi bihutira guhamagara abaganga ndetse n’umutoza we Rob Eduard nawe yinjira mu kibuga ajya kureba icyo umukinnyi we abaye anatangira kumuha ubutabazi bw’ibanze.

Abaganga bo ku mpande z’amakipe yombi bahise batangira kumwitaho maze nyuma bamukura mu kibuga ajyanwa mu rwambariro yashyizwe ku ngombyi y’abarwayi kugira ngo akomeze kwitabwaho.

Ako kanya umusifuzi yahise asubika umukino kugirango habanze hamenyekanye icyateye iyo mpanuka.