Akumiro n’amavunja: Umusore muto cyane wihinduye umugore agiye kwibaruka inda yatewe n’umukobwa wihinduye umugabo

Umusore ukiri muto cyane w’imyaka 21 y’amavuko ukomoka mu gihugu cy’u Buhinde atwite inda y’amezi umunani yatewe n’umugore wihinduye umugabo.

N’ibintu bitangaje kandi bibayeho bwa mbere mu gihugu cy’u Buhinde kubona umuhungu wihindura umugore maze agashakana n’umugore wihinduye umugabo akamutera inda bakaba bagiye no kwibaruka umwana wabo wa mbere dore ko inda imaze kugera ku mezi umunani yose.

Umusore wihinduje igitsina akaba umugore kuri ubu akaba atwite inda y’amezi umunani yitwa Ziya Paval afite imyaka 21 y’amavuko uwamuteye inda bakaba banabana nk’umugore n’umugabo we yitwa Zahad akaba yaravutse ari umukobwa nyuma akihinduza umuhungu afite imyaka 23 y’amavuko.

Aba bombi bemeza ko benda kwibaruka imfura yabo ya mbere n’ubwo bataramenya igitsina bazabyara kandi aba bombi bavuga ko bavuka mu miryango ikijijwe itemerera abantu kwihinduza igitsina gusa ubwo umuryango wa Zahad wamenyaga ko afite umugore utwite watangiye ku mushyigikira kandi bakira nuwo yabaye.