Yari imyiyereko yo kuvundereza ibitego mu izamu: Ikipe ya Real Madrid yandavuriye kwa Manchester City

Mu mukino waraje ijoro abatari bake batuye Isi bakunda umupira w’amaguru, ikipe ya Manchester City yatsinze Real Madrid iyisuzuguye bikabije.

Iki ya Manchester City yakatishije iteka ijya ku mukino wa nyuma muri Uefa Champions Leuge, nyuma yo gutsinda Real Madrid ibitego 4-0. Bivuze ko yakomeje ku giteranyo k’itego 5-1, kubera ko mu mukino ubanza izi kipe zombi Zari zanganyije igitego 1-1.

Wari umukino wabereye kuri Etihad Stadium ya Manchester City, ibitego byatsinzwe na B. Silva watsinzemo 2, ku munota wa 23 n’uwa 37, M. Akanji ku munota wa 76, ndetse na J. Álvarez waje mu kibuga asimbura Haaland wari wahushije byinshi, nyuma y’iminota 2 gusa Alvarez agiye mu kibuga, ahita atsinda igitego gishimangira intsinzi ku munota wa 90+1.

Ubu umukino wa nyuma uzahuza ikipe ya Manchester City ndetse na Inter Milan nayo yaraye isezereye As Milan.