Yabonye atari we uzahora agaramye mu kirambi wenyine yishumbusha mutembanshyunshyu! Umukinnyi wa Rayon Sports yakoreye ubukwe hanze y’u Rwanda (AMAFOTO)

Yabonye atari we uzahora agaramye mu kirambi wenyine yishumbusha mutembanshyunshyu! Umukinnyi wa Rayon Sports yakoreye ubukwe hanze y’u Rwanda.

Umukinnyi wa Rayon Sports, Mugisha François Master yasezeranye imbere y’amategeko n’umukunzi we, Ikirezi.

Ni umuhango wabaye ejo hashize ku wa Gatatu tariki ya 16 Kanama 2023 aho byabereye mu gihugu cy’abaturanyi cya Uganda.

Amakuru ahari ni uko uyu muhango wo gusezerana imbere y’amategeko wabereye mu murwa mukuru w’iki gihugu, Kampala.

Master bivugwa ko yifuje kubikorera muri iki gihugu kubera ko yaba we ndetse n’umukunzi we bafiteyo umuryango mugari, by’umwihariko we akaba ari naho yavukiye.

Biteganyijwe ko indi mihango y’ubukwe bwabo izaba mu Kuboza uyu mwaka ariko yo ikazabera mu Rwanda.