Umuraperi Green P uvukana na The Ben yahishuye ko nawe ateganya gukora ubukwe

Umuraperi Green P yatangaje ko afite umukobwa bari mu munyega w’urukundo ku buryo nta gihindutse bazanakomeza umushinga wo kurushinga.

Ibi Green P yabigarutseho mu kiganiro yagiranye na Bac-t, avuga ko afite umukobwa wamutwaye umutima. Ati “Njye ndi mu rukundo kandi ni umukobwa twaherukanaga kera.”

Green P yatangaje ko inkumi bari mu rukundo bigeze gukundana mu 2010 nyuma baza kuburana, ahamya ko ntagihindutse bakora ubukwe.

Ati “Twaherukanaga mu 2010 nyuma twaraburanye kubera ibihe. Nibyo rwose turakundana kandi nta gihindutse twazanakora ubukwe.”