THIERRY Mugiraneza
Mu ijoro rya keye nibwo ikipe ya Manchester United yakinaga na FC Barcelona mu mukino wa 1/16 mu irushanwa rya Europa League. Muri Uyu mukino w’imbaraga nyinshi ndetse unaryoheye ijisho kuko wahuzaga amwe mu makipe meza muri ruhago y’isi, waje kurangira amakipe yombi anganyije ibitego bibiri kuri bibiri.
Ibitego bibiri bya FC Barcelona yari mu rugo kuri sitade ya Spotify Camp Nou byatsinzwe na Marcos Alonso ahawe umupira na Raphinha ku munota wa 50 ndetse ikindi gutsindwa na Raphinha ku munota wa 76 ahawe umupira na Jules Kounde. Manchester United yo yatsindiwe na Marcus Rashford ndetse na Jules Kounde wa FC Barcelona witsinze.
Muri uyu mukino FC Barcelona niyo yawuguriyemo ibyago kuko yabuze intsinzi kandi yari mu rugo ikindi itakaza abakinnyi bayo babiri b’ingenzi barimo Pedri wagize ikibazo cy’imvune ndetse na Gavi wabonye ikarita y’umuhondo izatuma atazakina umukino wo kwishyura uzabera Old Trafford kuwa kane.
Nyuma y’uwo mukino Marcus Rashford ukomeje kugaragaza urwego ruhanitse yagiye ku rubuga rwe rwa Instagram yandika ko kuri we yiyumva nk’aho Manchester United yatsinzwe.
AMAFOTO:
