Kubwayo Mc croix
Kuri uyu wa gatandatu ubwo ikipe ya Bayern Munich yatsindaga ikipe ya Mainz ibitego 3-1 muri shampiyona y’Ubudage Bundesliga, byatumye Thomas Muller ukinira Bayern Munich ahita aca agahigo ko kuba umukinnyi wa mbere mu mateka ya Bundesliga utsinze imikino myinshi, ni agahigo yakuyeho kapiteni w’iyi kipe akaba n’umuzamu wayo Manuel Neuer.
Thomas Muller yujuje insinzi 323 muri Bundesliga mu gihe Manuel Neuer we afite insinzi 322 muri Bundesliga. Uyu mukinnyi w’umudage w’imyaka 34 ukina mu kibuga hagati amaze imyaka 15 akinira ikipe ya Bayern Munich ndetse amaze kuyikinira imikino 449 muri Bundesliga.
Kuva Thomas Muller yagera muri Bayern Munich yanakuriyemo amaze gutwarana n’iyi kipe ibikombe 12 bya shampiyona y’Ubudage Bundesliga, amaze gutsindira iyi kipe ibitego 144, yatanze imipira 198 yavuyemo ibitego muri Bundesliga.
