RIB yasabye uwari umunyamabanga wa AS Kigali kwitanga kubera ubwambuzi

Umuvugizi w’Urwego rw’Igihugu rw’Ubugenzacyaha RIB, Dr. Murangira Thierry yasabye uwahoze ari umunyamabanga mukuru w’ikipe ya AS Kigali Nshimiye Joseph uvugwa mu bwambuzi bushukana bukorewe kuri murandasi kwitanga kuri station ya RIB ya Kicukiro.

Murangira yagize ati “Babiri barafashwe ariko uwitwa Nshimiye Joseph aracyashakishwa. Ngira ngo wenda aho ari afite smartphone,ubu butumwa mubumugezeho.

Nshimiye Joseph na bagenzi be bivugwa ko bifashishije ibisa n’urusimbi bakabinyuza mu ikompanyi yitwa Gold Panning A.I (Artificial Intergency), maze bikubira amafaranga y’abaturage arenga miliyoni 100 Frw.