Producer Eleeeh yasubije umufana we wamubajije uko yiyumva nyuma yuko indirimbo ye nshya itwitse

Hashize iminsi 5 Producer Eleeeh ashyize hanze amashusho y’indirimbo ye yise Kashe. Ni indirimbo ye ya mbere uyu musore yakoze dore ko ubusanzwe asanzwe akora akazi ko gutunganya imiziki y’abandi bahanzi (production).

Nyuma y’iminsi 5 indirimbo ya Eleeeh igiye hanze, kuri ubu imaze kurebwa n’abantu basaga ibihumbi 322 ku rubuga rwa YouTube (more than 322k views on YouTube).

Ku munsi w’ejo ubwo Eleeeh yashyiraga kuri instagram kamwe mu gace k’amashusho kagaragara mu ndirimbo Kashe yibutsa abafana be kuyireba, umwe mu bafana be yamubajije uko hit imera. Umufana yagize ati « Hit se urumva imeze ite? 😂 ». Eleeeh yahise amusubiza mu magambo agira ati « sindabyumva neza😂 ».