in

Izitarenze miliyoni 40 z’amapawundi nizo Arsenal irigukoresha igaragura uwo ihuye na we wese

Gabriel Martinell, Martin Ødeggard, Bukayo Saka na Eddie Nketiah abakinnyi bakomeye gufasha ikipe ya Arsenal

Ikipe ya Arsenal ikomeje kugarika amakipe atandukanye mu gihugu cy’u Bwongereza kandi mu byukuri abakinnyi 4 bari kuyifasha cyane batarengeje miliyoni 40 z’amapawundi( ifaranga rikoreshwa mu bwami bw’u Bwongereza).
Mu mupira ugezweho usanga kenshi abakinnyi bakomeye bangurwa amafaranga menshi cyane byagera ku makipe yo mu Bwongereza bikaba akarusho , amakipe nka Manchester United, Chelsea na Manchester City asigaye agura abakinnyi ba miliyoni 100 z’amapawundi.

Gabriel Martinell, Martin Ødeggard, Bukayo Saka na Eddie Nketiah abakinnyi bakomeje gufasha ikipe ya Arsenal

Muri iyi nkuru tugiye kugaruka ku buryo ikipe ya Arsenal yahiriwe n’abana yirereye ndetse n’abandi yaguze kuri make.Abo barimo abongereza babiri Bukayo Saka na Eddie Nketiah ndetse n’umunya-Brazil Gabriel Martinelli na Martin Ødeggard umunya-Noruvege.
1.Bukayo Saka
Bukayo Saka umwongereza w’imyaka 21 akaba akina ku ruhande rw’iburyo yataka. Bukayo Saka ukomeje gufasha Arsenal bikomeye kandi ari umwana birereye mu irerero ry’umupira w’amaguru rya Arsenal ( Academy) bakamuzamura mu ikipe nkuru muri 2018. Kugeza ubu Bukayo Saka amaze gutsindira Arsenal ibitego 7 anatanga imipira 7 ibyara ibitego aho Premier League igeze ya 2022_2023.
2. Gabriel Martinell
Gabriel Martinell Umunya-Brazil ukinira ikipe ya Arsenal aca ku ruhande rw’ibumoso. Martinelli w’imyaka 21 yageze muri Arsenal muri 2019 Ituano y’iwabo muri Brazil nyuma Arsenal imugura miliyoni 6 z’amapawundi gusa.

3.Eddie Nketiah
Eddie Nketiah na we ni umusore w’ umwongereza w’imyaka 23 y’amavuko. Nketiah yakuriye mu bato ba Arsenal nyuma yaho yaratandukanye na Chelsea, muri 2017 nibwo Arsen Wenger watozaga Arsenal yazamuye Nketiah mu ikipe y’abakuru ba Arsenal. Nyuma y’uko Gabriel Jesus avunitse abafana ba Arsenal batangiye kugira impungenge z’uzasimbura uwo musore ariko ubu Nketiah amaze gutsinda ibitego 4.
4. Martin Ødeggard
Martin Ødeggard umuya-Noruvege w’imyaka 24 y’amavuko ubu ni captain w’ikipe ya Arsenal. Martin Ødeggard yageze muri Arsenal muri 2021 bamuguze miliyoni 35 z’amayero. Aho Premier League igeze ubu Martin Ødeggard amaze gutsinda ibitego 8 atanga imipira 5 ivamo ibitego.

Subscribe
Notify of
guest
0 Comments
Inline Feedbacks
View all comments

Nyuma yo kugaragara akubitira umumotari mu muhanda, Jose Chameleone agiye kujyanwa mu nkiko

Breaking news: Police FC yamaze gusinyisha umukinnyi muto w’umunyarwanda ukinira Amavubi U23