Iyi ndirimbo izarikora! Abakobwa batanu batawe muri yombi bazira kubyina indirimbo ya Rema -IFOTO

Muri Iran, abakobwa batanu batawe muri yombi bazira kubyina indirimbo y’umuhanzi wo muri Nigeria, Rema.

Abakobwa batanu bo muri Iran bifashe amashusho babyina indirimbo ya Rema yakunzwe cyane “Calm Down” nta n’igitambaro bambaye mu mutwe, biravugwa ko batawe muri yombi.

Aba bagore bagaragaye muri ayo mashusho babyina bambaye imipira migufi igaragaza inda zabo, mu nsi y’umuturirwa muremure mu mujyi wa Tehran mu gace ka Ekbatan.

Aya mashusho yagiye ahagaragara kuri TikTok no ku zindi mbuga nkoranyambaga mu byumweru bishize ku munsi mpuzamahanga w’abagore ku ya 8 Werurwe.

Umuhanzi Rema uri mu babonye aya mashusho y’aba bakobwa babyina indirimbo ye, yaragize ati:”Ati ku bagore beza bose barwanira isi nziza, ntewe ishema namwe, nimwe ndirimbira.”