Indirimbo ‘Kashe’ ya Producer Element yatumye uyu musore akora amateka atarakorwa n’undi muhanzi nyarwanda

Umuhanzi akaba n’umuhanga mu gutunganya amajwi y’indirimbo Mugisha Robinson Fred wamenyekanye nka Element Eleeeh, abifashijwemo n’indirimbo ‘Kashe’ yashyize hanze umwaka ushize yaciye agahigo ko kuba umuhanzi wa mbere ugize indirimbo ya mbere mu mwuga ikarebwa n’abasaga miliyoni 5 kuri YouTube.

Element yashyize hanze indirimbo ‘Kashe’ ku wa 24 Nyakanga umwaka ushize wa 2022. Kuri ubu yamaze gutanga integuza y’indirimbo ye yindi ya kabiri.

Kashe ya Element ibaye indirimbo ya gatatu y’umu nyarwanda yasohotse muri 2022 igize miliyoni 5 nyuma ya ‘Why’ ya The Ben na Diamond Platnumz na ‘Inana’ ya Chriss Eazy.