Impamvu ikomeye iza gutuma AS Kigali itsindwa yamenyekanye

Nyuma y’imyitozo, Umutoza wa As Kigali Cassa Mbungo Andre yavuze ku mpungenge AS Kigali ifite yo kuba nta mashusho na make afite kuri iyi kipe.

AS Kigali irakina na ASAS Djibouti Telecom kuri uyu wa Gatandatu tariki 10 Nzeri 2022, saa kumi n’ebyiri za Kigali mu mikino ya CAF Confederations Cup.

Mu kiganiro yagiranye n’itangazamakuru, Umutoza wa AS Kigali yavuze ku ntego bajyanye muri iki gihugu cya Djibouti.

Cassa Mbungo yagize ati “Kubona amashusho byagoranye, ariko mfite amakuru y’abakinnyi ku giti cyabo, ndakoresha amayeri yo kubanza kwiga ikipe mu minota 15 ya mbere. Intego ni ugutsinda tukabona igitego cyo hanze kuko muri Afurika kiracyabara ariko bitanakunze turirinda gutsindwa”.

Cassa Mbungo Andre Kandi yakomoje ku mwuka uri hagati mu bakinmyi be ndetse n’imvune baba bafite.

Yagize ati “Umwuka ni mwiza mu ikipe. Ni umukino twiteguye neza, ariko ni umukino utoroshye kuko turi iw’abandi ariko kubera ko hari inshingano twazanye ndumva tuzawuhagararamo neza.”