Epaphrodite Nsengimana
Umubyeyi witwa Ngabonziza Levin yari yandikiye urwego rw’Igihugu rw’ubugenzacyaha ‘RIB’ asaba ko bamufasha gushaka umwana we waburiwe irengero banamuhamagara telefone ye ikitabwa n’umugabo akabatera ubwoba.
Yagize ati “Dear RIB turasaba ubufasha umwana wacu twamubuze telephone ye yitabwe n’umugabo atubwira ko tutazongera kumubona,mwadufasha kumushakisha cg kutubwira inzira twanyuramo! Murakoze @Annemwiza @EgidieBibio @oswaki mudufashe number ya phone nayibahaye muri DM”
Nyuma y’ubu butumwa, umunyamakuru wa RBA, Ingabire Egidie Bibio, nawe yaje kwandikira RIB ayisaba gutabara uyu muturage doreko bidakwiye i Rwanda, ati “Ibi si iby’i Rwanda, RIB nimutabare.”
Amakuru meza ahari ni uko uyu mwana yaje kuboneka, nk’uko byatangajwe n’umubyeyi we wanashimiye Ingabire Egidie wamukoreye ubuvugizi.
Yagiye ati “Murakoze, umwana yatugezeho ni muzima ahubwo abibye telephone ye nibo batwitabaga nubu ntibarayikura ku murongo,! Tuzamenyesha RIB ibakurikirane twizeye ko ubutabera azabubona! Murakoze.”
