in

Gisèle Precious waririmbaga indirimbo zo kuramya no guhimbaza Imana yateguriwe igitaramo cyo kumurika album ye yasize adashyize hanze no kumuha icyubahiro

Gisèle Precious waririmbaga indirimbo zo kuramya Imana yateguriwe igitaramo cyo kumurika album ye no kumuha icyubahiro.

Ni mu gitaramo cyiswe “An Evening Memory of Gisèle Precious” giteganyijwe kubera kuri Dove Hotel ku Gisozi, ku Cyumweru, tariki 13 Ugushyingo 2022, kuva saa Munani z’amanywa.

Abahanzi batumiwe muri uyu mugoroba wo guha icyubahiro Gisèle Precious barimo Dusabe Alex, Josh Ishimwe, Vedaste N. Christian, Korali Shalom yo muri ADEPR Nyarugenge, Kumbaya Group, Papi Clever na Dorcas, Annet Murava ndetse n’Itsinda rya Anointed Band ryashinzwe na nyakwigendera mu bihe byashize.

Kwinjira muri iki gitaramo bizaba ari ubuntu ndetse abagiteguye batangaje ko kiri mu mujyo wa Gisèle Precious kuko mu rugendo rwe rw’umuziki wo kuramya no guhimbaza Imana atigeze yishyuza amafaranga na rimwe mu bitaramo byose yakoze.

Umuhanzikazi Gisèle Precious yitabye Imana ku mugoroba wo ku wa 15 Nzeri 2022. Yaguye mu rugo rwe mu Karere ka Rubavu. Yasize umwana w’umuhungu we n’umugabo we, Niyonkuru Innocent bibarutse ku wa 28 Kanama 2022.

Nsabimana Gisèle Precious yari afite imishinga itandukanye yateganyaga gukora irimo ibitaramo, gushinga umuryango wita ku bana bavukanye ibibazo n’indi, ndetse hateguwe uburyo bwo kuyishyira mu bikorwa.

Written by OLIVIER NTANTURO

NTANTURO Olivier is Sport & Entertainment journalist, Presenter on YEGOB Radio and owner of Guta Tv
+250789080197

Subscribe
Notify of
guest
0 Comments
Inline Feedbacks
View all comments

Harmonize aritegura kubona umwana

Nyuma ya De Gea, undi mukinnyi ukomeye ntazakinira Espagne mu gikombe cy’isi