FIFA yategetse ikipe ya CD Trofense yo muri Portugal kwishyura Mutsinzi Ange akavagari k’amafaranga nyuma yo gutandukana mu buryo bunyuranyije n’amategeko

Ishyirahamwe ry’Umupira w’Amaguru ku Isi ‘FIFA’ yategetse ikipe ya CD Trofense ibarizwa muri shampiyona y’Icyiciro cya Kabiri mu gihugu cya Portugal kwishyura Mutsinzi Ange miliyoni 24 z’Amanyarwanda nyuma yo gutandukana mu buryo bunyuranyije n’amategeko.

Uyu myugariro wo hagati mu Ikipe y’Igihugu Amavubi yari aherutse kurega ikipe ya CD Trofense muri FIFA bigendanye n’uko hari amafaranga yagiye yanga kumuhemba.

Ku wa Kabiri tariki 31 Mutarama 2023, nibwo FIFA yategetse ikipe ya CD Trofense kwishyura Mutsinzi Ange miliyoni 24 z’Amanyarwanda, ndetse inategeka ko uyu myugariro ahita ahabwa ibaruwa imwemerera gusinyira indi kipe (Release Letter).

Mutsinzi Ange yakiniye amakipe atandukanye arimo AS Muhanga, Rayon Sports, APR FC na CD Trofense yagezemo mu mpeshyi ya 2021.