THIERRY Mugiraneza
Ikipe ya FC Barcelona itsinze Real Madrid umuba w’ibitego bitatu kuri kimwe mu mukino wa ñyuma w’igikombe kiritu ikindi cya Espagne (Spain Super Cup ).
Uyu mukino wabereye mu gihugu cya Arabia Saudite ubera kuri King Fahd International Stadiium.
Ancelloti utoza Real Madrid yari yabanje mu kibuga abakinnyi nka Courtois, Carvajal, Militao, Rüdiger, Mendy, Camavinga, Modric, Kroos, Valverde, Vinicius Jr na Benzema.
FC Barcelona n’iyo yatangiye umukino neza kuko bidatinze ku munota wa 34 Gavi yatsinze igitego cya mbere ahawe umupira na Robert Lewandowski.
Xhavi utoza Barcelona yari yahisemo kubanza mu kibuga Ter Stegen, Araujo, Kounde, Christensen, Balde, Busquets, De Jong, Gavi, Dembele, Pedri na Lewandowski.
Bidatinze abasore ba FC Barcelona bongeye gusuzugura Real Madrid ku munota wa 45 ubwo Robert Lewandowski yatsindaga igitego cya kabiri ahawe umupira mwiza na Gavi.
Igice cya mbere kirangira FC Barcelona inyabitse Real Madrid ibitego bibiri ku busa.
Gavi wari wayogoje Real Madrid yongeye guha umupira Pedri ku munota wa 69 na we aboneza mu ncundura.
Real Madrid nayo yaje kubona igitego k’impozamarira ku munota wa 93 gutsinzwe na Karim Benzema. Umukino urangira FC Barcelona ariyo itwaye Super cup ya Espagne.
