Dore icyobo PSG ishobora kugwamo mu gihe yongereye amasezerano rutahizamu Lionel Messi, PSG iri kugirwa inama n’umuntu umwe

Umufaransa witwa Jérôme René Marcel Rothen avuga ko Paris Saint-Germain idakwiye gusinyisha Lionel Messi amasezerano mashya, mu gihe iyi kipe yo ishishikajwe no kumwongerera amasezerano kuko ayo afite azarangira mu mpeshyi ya 2023.

Mu gihe Paris Saint-Germain irangajwe ishinga no kongera amasezerano rutahizamu ngenderwaho Lionel Messi, uwahoze akinira iyi kipe yabagiriye inama y’ibihombo bashobora kugwamo.

Rothen yatangaje ko kongerera amasezerano Lionel Messi byaba ari nk’urwenya kuko bizateza ibindi bibazo bikomeye nyuma, nko kugongwa n’itegeko rya Financial fair play rigenga imikoreshereze y’umutungo muri ruhago i Burayi aho bivugwa ko ahembwa miliyoni 52 z’amapawundi ku mwaka.