Cristiano yaje imbere ya Messi ku rutonde rw’abakinnyi b’ihebe byose bakize kurusha bandi

Ku rutonde rw’abakinnyi 10 bakoreye amafaranga menshi mu mateka y’isi mu mikino itandukanye, rwashyizwe ahagaragara n’ikinyamakuru sportico, rutahizamu w’ikipe ya Manchester United Cristiano Ronaldo yaje imbere ya mukeba we Lionel Messi bahora bahanganye.

Kuri uru rutonde umukinnyi waje ku mwanya wa mbere akaba ari Michael Jordan wakinaga umukinnyi wa Basketball mu ikipe ya Chicago Bulls ndetse na Washington Wizards.

Imyanya ya 2, 3 ndetse na 4 ikaba yihariwe n’abakinnyi b’umukino wa Golf aribo Tiger Woods, Arnold Palmer na Jack Nicklaus.

Cristiano akaba yaje ari uwa gatanu kuri uru rutonde naho mukeba we Messi we yabashije kuba uwa munani, ndetse nibo bakinnyi bonyine b’umupira w’amaguru baje mu bambere icumi.

Umwanya wa gatandatu wagukanywe na Floyd Money Mayweather wakinaga itaramakofe, 7 aba Lebron James ukinira ikipe ya Lakers muri NBA, umwana wa 9 wabaye Michael Schumacher wakinaga umukino wa Formula 1, naho uwa 10 aba Roger Federer ukina Tennis.