HARAGIRIMANA Dieudonne
Burya Kiyovu Sports ntiramwegukana! Ikipe ya Kiyovu Sports nyuma yo kugirango yegukanye umukinnyi byarangiye ishobora kwisanga arimo gukinira Rayon Sports
Ikipe ya Kiyovu Sports yari iri mu biganiro na rutahizamu mwiza hano mu Rwanda ashobora kwerekeza mu ikipe ya Rayon Sports nayo yatangiye ibiganiro nawe.
Ku munsi wejo hashize nibwo hagiye amakuru hanze avuga ko rutahizamu wakiniraga ikipe ya APR FC Mugunga Yves yamaze kumvikana na Kiyovu Sports ariko Amakuru dufite kugeza ubu ntibirarangira.
Amakuru YEGOB twamenye ni uko ikipe ya Rayon Sports nyuma yo kubona nta musimbura w’umunyarwanda mwiza ifite utaha izamu nka nimero 9 biravugwa ko nayo yagiye mu rugamba rwo kwegukana uyu mukinnyi Kandi ibiganiro bigeze kure.
Mugunga Yves yamaze kumvikana na APR FC yari agifite amasezerano bemeranya gutandukana bumvikanye, kugeza ubu arimo kwishakira ikipe ikomeye ndetse izamugeza ku nzozi ze.
