Kubwayo Mc croix
Nyuma yo gutsinda ikipe ya Galatasaray mu mukino w’umunsi wa 3 w’amatsinda ya UEFA Champions League, ikipe ya Bayern Munich ikomeje kwandika amateka muri iri rushanwa imaze gutwara ubugira 6 mu mateka yayo.
Bayern Munich yatsinze Galatasaray ibifashijwemo na Kingslay Coman watsinze igitego cya mbere ku munota wa 8, Harry Kane watsinze igitego cya kabiri ku munota wa 73 na Jamal Musiala watsinze igitego cya 3 ku munota wa 79; igitego kimwe rukumbi cya Galatasaray cyabonetse kuri penaliti yatewe neza na Mauro Icardi ku munota wa 30 w’umukino, umukino waje kurangira Bayern Munich itsinze ibitego 3-1 bituma ikomeza kuyobora itsinda A n’amanota 9/9 mu mikino 3.
Imwe mu mibare yandikishijwe na Bayern Munich harimo:
- Bayern Munich niyo kipe yo nyuma mu mateka ya UEFA Champions League imaze gutsinda imikino 8 yikurikiranya yo mu mikino y’amatsinda.
- Bayern Munich imaze gutsinda imikino 16 yikurikiranya yo mu matsinda ya UEFA Champions League.
- Bayern Munich imaze imikino 37 yikurikiranya idatsindwa mu matsinda ya UEFA Champions League.
- Ni inshuro ya 5 yikurikiranya ikipe ya Bayern Munich ibasha gutsinda imikino 3 ibanza yo mu matsinda ya UEFA Champions League.
Bayern Munich yo mu Budage ikomeje kugenda yandika amateka atandukanye muri UEFA Champions League, ikaba isigaje imikino itatu yo kwishyura yo mu matsinda, ikaba iri mu itsinda rimwe na Manchester United yo mu Bwongereza, F.C. Copenhagen yo muri Denmark na Galatasaray yo muri Turukiya (Turkey).
