HARAGIRIMANA Dieudonne
Mu gihe abakinnyi benshi bakina bakurikiye kwishimisha n’amafaranga,umugabo Benoit Assou-Ekoto wakiniye ikipe y’igihugu ya Cameroun agakinira n’amakipe akomeye nka Tottenham na za Saint Etienne muri 2012 yatangaje ko kuba akina ruhago ari amafaranga gusa nta kindi akurikiye,kuri ubu yaba agiye gukina filime z’urukozasoni.
Umutoza wa Birmingham City ariwe Harry Redknapp wamutoje muri Tottenham na Queens Park Rangers mu kiganiro The Spurs show abajijwe niba azasaba uyu musore gukinira Birmingham City yasubije ko uyu musore atapfa kwemera gukinira iyi kipe kubera apanga filime z’urukozasoni.
Uyu mugabo yibukwa cyane kubera mu gikombe cy’Isi cya 2014 mu mukino wahuzaga Cameroun na Croatia yarwanye na mugenzi we bakinanaga Moukandjo ibintu byateye isoni ruhago yo muri Afurika muri rusange.
