Abakinnyi 2 bari mu kibuga bakina bakubiswe n’inkuba bahita bitaba Imana

Mu gihugu cya Kenya haravugwa inkuru y’abakinnyi 2 bari mu kibuga bagakubitwa n’inkuba bagahita bitaba Imana nkuko inkuru dukesha ikinyamakuru Nation Africa ibitangaza.

Abitabye Imana ni Sammy Musa w’imyaka 20 na Joshua Nyangaresi w’imyaka 21  barimo bakina umukino wa gicuti wahuzaga  Munyansi Fc na Nyagiti Fc ku kibuga cya Munyansi giherereye Kitutu Chache North Constutuency kuri uyu wa gatandatu tariki 11 Werurwe 2023.

Iki kinyamakuru kigakomeza kivuga ko hari abandi bakinnyi 2 bakomeretse ariko bameze neza ku buryo baza kumererwa neza vuba aho barwariye ku butaro bituriye Nyamira .

Ishyirahamwe ry’umupira w’amaguru rya Kitutu Chache North Football Kenya Federation rihagarariwe na Evans Akang’a rikaba ryihanganishije imiryango yababuze ababo.