THIERRY Mugiraneza
Ukwezi kurashize ubaze umunsi ku munsi, ikipe y’igihugu ya Argentina yariyobowe na Lionel Messi itwaye igikombe cy’isi cya 2022 itsinze Ubufaransa kuri penariti 4-2 nyuma y’uko umukino wari warangiye impande zombi zinganya ibitego bitatu kuri bitatu.
Igikombe cy’isi cyari cyaratangiye ku itariki 20 Ugushyingo kigeze kuri 18 Ukuboza 2022 hakinwa umukino wa nyuma mu mikino 64 yaritegerejwe n’abenshi.
Umukino wa nyuma wahuje Argentina n’ u Bufaransa , uyu mukino wari uryoheye ijisho warangiye amakipe yombi anganya Ibitego bitatu kuri bitatu.
Ku ruhande rwa Argentina ibitego byayo byatsinzwe na Lionel Messi watsinze ibitego bibiri na Angel di Maria watsinze igitego kimwe, mu gihe ibitego 3 byose by’u Bufaransa byari byatsinzwe na Mbappé. Umukino ujya muri penaliti birangira Argentina yinjije penaliti 4 u Bufaransa bwinjiza ebyiri.
Urugendo rwa Argentina yari yaranyuzemo kugeza igeze ku mukino wa nyuma:
_ Ikipe y’igihugu ya Argentina yari yatangiye urugendo rwayo rw’igikombe cy’isi iri mu itsinda C maze umukino wayo wa mbere ikubitwa Ibitego bibiri kuri kimwe na Arabia Saudite, umukino wa kabiri wo mu itsinda Argentina yatsinze Mexico Ibitego bibiri ku busa, Argentina yashoje urugendo rw’imikino yo mu itsinda ihonda Pologne ibitego bibiri ku busa.
_ Argentina yaje kwerekeza muri 1/8 izamutse mu itsinda C ari iya mbere maze mu mukino wa 1/8 icakirana ma Australia iyinyabika ibitego bibiri kuri kimwe.
_ Muri 1/ 4 Argentina yabonye ihikura hamana kuko yakomeje kuri Penaliti nyuma yo kunganaya n’Ubuhorandi ibitego bibiri kuri bibiri.
_ Argentina muri 1/2 yahannye bikomeye Croatia ubwo yayikubitaga ibitego bitatu ku busa iba igeze ku mukino wa nyuma.
Urugendo rw’Ubufaransa kugeza bugeze ku mukino wa nyuma w’igikombe cy’isi cya 2022:
Ubufaransa bwari mu itsinda D, Ubufaransa bwatangiye bukina na Australia, Ubufaransa butsinda ibitego bine kuri kimwe nyuma bwaje gukurikizaho Denmark buyitsinda ibitego bibiri kuri kimwe. Mu mikino y’amatsinda Ubufaransa bwayishoje butsindwa na Tunisia igitego kimwe ku busa.
_ Muri 1/8 Ubufaransa bwakuyemo Pologne nyuma yo kiyitsinda ibitego bibiri kuri kimwe.
_ Muri 1/4 Ubufaransa bwasezereye Ubwongereza nyuma yo gutsinda ibitego bibiri kuri kimwe.
_ Mu mukino wa 1/2 Ubufaransa bwatsinze Morocco ibitego bibiri ku busa.
Uyu mukino Argentina ya Messi yandikiye mo amateka wari wabereye kuri Lusail Stadium utangira ku isaha ya saa kumi n’imwe z’umugoroba ku isaha ya Kigali wari wasifuwe na Szymon Marciniak umusifuzi ukomoka muri Pologne.
