Umwongereza wahawe akazi ko gusifura umukino mu misiri nk’ikiraka, yahavuye atareba imbere n’inyuma

Icyamamare mu gusifura,Mark Clattenburg yataye akazi yari yahawe n’ishyirahamwe ry’umupira w’amaguru mu misiri ko gukurira akanama k’abasifuzi kubera ubwoba bw’umutekano we.

Uyu mugabo wasifuye bikamuhira muri Premier League,yavuze ko yakiriye ubutumwa bw’iterabwoba bw’abafana ba Zamalek ndetse na Perezida w’iyi kipe bamubwira ko bazamumerera nabi.

Uyu munyabigwi wahawe akazi muri Kanama ko kuzamura urwego rw’imisifuri mu misiri,yagize ubwoba bw’ibi bitero yagabweho afumyamo arigendera.