HARAGIRIMANA Dieudonne
Adriana Davidson w’imyaka 15 wabuze kuwa gatanu yabonetse ku mugoroba wo kuwa mbere tariki 30 Mutarama 2023 hafi y’ishuri yigagaho muri Leta ya Michigan yitabye Imana.
Inkuru dukesha ikinyamakuru The New York Post ivuga ko kuwa gatanu mu gitondo Adriana Davidson yagiye ku ishuri mu gitondo ,nka bandi bose ari muri bus zitwara abana ku ishuri ,gusa yagera ku ishuri agahita asubira hanze y’ishuri avuga ko atameze neza.
Nyuma yaho ngo uyu mwana yaje kugaruka ariko ntiyakwinjira mu nyubako y’ikigo , ari nabwo abana biganaga nawe baherukaga ku mubona hagana saa tanu z’amanywa kuwa gatanu, kuva icyo gihe kugera mu masaha y’ijoro nibwo umuryango we waje gutanga ikirego kuri polisi nyuma yuko umwana wabo adatashye.
Ku mugoroba wo kuwa mbere tariki 30 Mutarama 2023 , nibwo Polisi yasanze umurambo wa nyakwigendera hafi y’ikibuga cy’ishuri rya Arbor Pioneer High School yari asanzwe yigaho , hakaba hagiye gukorwa iperereza ku cyahitanye nyakwigendera Adriana.
