Epaphrodite Nsengimana
Ku munsi wo kuwa Kane tariki 2 Gashyantare 2023 nibwo umunyamakuru Ronnie Gwebawaya watangije ikiganiro cy’Iyobokamana kuri Televiziyo Rwanda cyitwa ‘RTV Sunday Live, yatunguye umukunzi we Uwicyeza Phiona bamaranye imyaka ine mu rugendo rw’urukundo amwambika impeta ya ‘Fiançailles’ mu Mujyi wa Kampala kuri Onomo Hotel.
Ronnie yasangije iyi nkuru nziza abamukurikira mu ijoro ryo kuri iki Cyumweru tariki 5 Gashyantare 2023 agaragaza ko yatangiye urugendo rushya n’umukunzi we Uwicyeza Phiona.
Ronnie Gwebawaya azwi cyane mu itangazamakuru ry’umupira Rwanda, kuko niwe watangije ibiganiro bibiri byakunzwe cyane birimo ‘Power of Praise’ cyacaga kuri Royal Tv itagikorera mu Rwanda, ndetse na ‘RTV Sunday Live’ yatangije kuri Televiziyo Rwanda. Muri iki gihe asigaye akorera kuri TV1.
