Ubuyobozi bwa APR FC bwagize icyo butangaza ku kintu cyo kuba bagiye kugura Youseff Rharb

Ku munsi w’ejo hashize nibwo byatangiye kuvugwa ko ikipe ya APR FC yaba igiye kugura Youseff Rharb ariko ubuyobozi bw’iyi kipe bwabihakaniye kure.

Mu kanya gato gashize nibwo umuvugizi wa APR FC yatangarije Radio Rwanda ko amakuru avuga ko iyi kipe yaba igiye kugura Youseff Rharb ari ibihuha ahubwo abakomeza kubivuga ngo ntibakomeza kuyobya abakunzi b’ikipe ya Rayon Sports.

Yagize Ati” Amakuru avugwa ko APR FC yaba igiye kugura Youseff Rharb ni ibihuha ahubwo ntibakomeza kuyobya abakunzi ba Rayon Sports.”

Uyu muvugizi wa APR FC yatunguye benshi nyuma yo kuvuga ikipe ya Rayon Sports mu byo yatangaje ariko ubona ko icyabimuteye ari uko bimaze iminsi bivugwa ko uyu musore nawe ari mu bifuzwa cyane na Rayon Sports.