Epaphrodite Nsengimana
Umukobwa wari umunyeshuri muri Kaminuza witwa Audrey Nayebare, wigaga muri Kaminuza ya Kabale yo muri Uganda, yaje gufatwa n’uburwayi butunguranye ubwo yari mu kizamini ndetse bimuviramo urupfu.
Amakuru atangwa n’iyi kaminuza avuga ko Audrey Nayebare wigaga mu mwaka wa mbere ibijyanye na ‘Arts in Social Sciences’, ku wa Gatanu, tariki 8 Ukuboza mu 2023, ubwo Audrey Nayebare n’abandi bari mu kizamini, uyu mukobwa yaje kugira ikibazo cyo guta ubwenge ikizamini akigeze hagati.
Iki gihe ngo yahise asohorwa mu cyumba cyaberagamo ikizamini, ajyanwa hanze kugira ngo ahabwe ubutabazi bw’ibanze ariko ibintu birushaho kuba bibi.
Yahise ajyanwa mu bitaro bya Kabale ariko aza kwitaba Imana ubwo hari hagishakwa uburyo bwo kumwohereza ku bindi bitaro byashoboraga kumufasha.
