HARAGIRIMANA Dieudonne
Ikipe ya AS Kigali yamaze kumvikana na n’abakinnyi 2 bashakwaga na Rayon Sports ndetse na Kiyovu Sports bihita bigaragaza imbaraga zikomeye iyi kipe ifite.
Hashize iminsi ikipe ya AS Kigali iganiriza rutahizamu ukomeye w’ikipe ya Etincelles FC witwa Ismael Moro kugirango aze afashe iyi kipe muri iyi mikino yo kwishyura iratangira tariki 20 mutarama 2022.
Iyi kipe hari igihe byageze itangaza ko yamaze kuva muri uku kuganiriza uyu mukinnyi, ikipe ya Rayon Sports ihita nayo itangira ibiganiro ariko ntibaza kumvikana k’umafaranga bitewe nuko iyi kipe amafaranga yemeye yayabuze ahubwo igashaka gutanga igice ibintu Etincelles FC yanze.
Amakuru dufite kugeza ubu ni uko AS Kigali yamaze kurangizanya n’ikipe ya Etincelles FC kuri Ismael Moro, akaba aranatangira imyitozo kuri uyu wa Gatatu n’abandi bakinnyi bose b’ikipe ya AS Kigali ubwo baraba basubukuye imyitozo. Andi makuru aravuga ko Iyi kipe ya amaze kumvikana na Djibrine Akuki ukinira ikipe ya Mukura Victory Sport kuza gusimbura Haruna Niyonzima.
Aboubacar Djibrine Akuki ukina ataha izamu mu ikipe ya Mukura Victory Sports byavugaga ko yavuganye n’ikipe ya Kiyovu Sports ariko iyi kipe yabigenzemo gake kugeza Haruna Niyonzima asohotse muri AS Kigali bihita bituma iyi kipe ihita ijya gushaka uzamusimbura kuri nimero 10 muri Mukura VS.
