HARAGIRIMANA Dieudonne
Munyakazi Sadate wabaye perezida w’ikipe ya Rayon Sports yabaye umukunzi w’iyi kipe watanze amafaranga menshi mu nama yaraye ibaye yahuje inkingi za mwamba za Rayon Sports.
Mu nama yo gushaka umuti w’ibibazo biri mu ikipe ya Rayon Sports yahuje abavuga rikumvikana, hakusanyijwe amafaranga yo kugura abakinnyi angana na miliyoni 25 Frws.
Iyi nama yari iyobowe na perezida wa Rayon Sports, Rtd Uwayezu Jean Fidèle na bamwe bandi mu bagize Komite Nyobozi y’iyi kipe.
Abayitabiriye barimo Munyakazi Sadate wigeze kuyobora iyi kipe, Muhirwa Prosper, Hadji Kanyabugabo Muhamed n’abandi.
Yari igamije gushakira hamwe ibisubizo ku bibazo byatumye iyi kipe isoza imikino ibanza ya shampiyona, iri ku mwanya wa Gatanu n’amanota 28.
Amakuru YEGOB twamenye, ni uko hahise hakusanywa amafaranga angana na miyoni 25 Frws zirimo milliyoni 10 zatanzwe na Munyakazi Sadate.
Aya mafaranga yose ari gukusanywa, arimo agomba kuvamo ayo kongeramo abakinnyi bakenewe n’andi yo gukemura ibibazo by’amikoro bihari.
Mu gushaka imbaraga zizayifasha mu mikino yo kwishyura, iyi kipe ikunzwe na benshi mu Rwanda, yahedeye kuri Hértier Nzinga-Luvumbu waherukaga gukinira iyi kipe. Uyu munye-Congo, nta kipe yari afite nyuma yo kuva muri shampiyona yo muri Angola.
